Էրդողանը չի բացառում թուրքական ռազմաբազաների տեղակայում Ադրբեջանում
Թուրքիայի նախագահ Ռեջեփ Թայիբ Էրդողանը չի բացառում, որ օրերս Ադրբեջանի հետ ստորագրված Շուշիի հռչակագրի շրջանակում կարող է խոսք գնալ Ադրբեջանում Թուրքիայի ԶՈՒ ռազմաբազաների ստեղծման մասին: Այս մասին, ըստ ՏԱՍՍ-ի՝ նա ասել է այսօր Ադրբեջանից վերադարձից հետո։
«Դա հռչակագրի դրույթներից դուրս չէ: Նման զարգացում հնարավոր է: Այդ թեման կարող է իր զարգացումն ունենալ Ադրբեջանի նախագահ Իլհամ Ալիևի՝ ՌԴ նախագահ Վլադիմիր Պուտինի հետ խորհրդակցությունների ընթացքում: Եվ մեր բանակցությունների ընթացքում այն կարող է իրագործվել յուրօրինակ ձևով»,- ասել է Էրդողանը:
