«Պատերազմում հաղթանակի օգուտը ժամանակի ընթացքում ավելի լավ կհասկացվի». Էրդողանն Ադրբեջան և Արցախ այցելելուց հետո թվիթերյան գրառում է արել
Թուրքիայի նախագահ Ռեջեփ Թայիփ Էրդողանն Ադրբեջան, ինչպես նաև Արցախի` 44-օրյա պատերազմի արդյունքներով Բաքվի վերահսկողության տակ անցած տարածքներ այցելելուց հետո գրառում է արել իր թվիթերյան միկրոբլոգում:
Նա նշել է, որ պատերազմում հաղթանակի օգուտն Ադրբեջանի, Կովկասի և աշխարհի համար ժամանակի ընթացքում ավելի լավ կհասկացվի:
«Քանի որ սա կառուցման, այլ ոչ թե ավերման, արդարության, այլ ոչ թե բռնատիրության, քնքշության, այլ ոչ թե կոպտության, խաղաղության, այլ ոչ թե պատերազմի, սրտի, այլ ոչ թե արյան հաղթանակ էր»,-գրել է Թուրքիայի նախագահը:
