Գրենլանդիայի մայրաքաղաքից կորոնավիրուսի պատճառով դադարեցվել են ծովային և ավիափոխադրումները
Գրենլանդիան կորոնավիրուսի համավարակի բռնկումների հետևանքով դադարեցնում է մայրաքաղաք Նուկից բոլոր ավիափոխադրումներն ու ծովային փոխադրումները: Այս մասին հայտնում է Reuters-ը:
Գրենլանդիայի պետական համաճարակաբան Հենրիկ Հանսենը հայտարարել է, որ սահմանափակման պատճառը նախօրեին մայրաքաղաքում կորոնավիրուսի հինգ նոր դեպքերի հայտնաբերումն է:
Իշխանությունները կապվել են այն անձանց հետ, ովքեր շփվել են վարակվածների հետ: Հանսենի գնահատմամբ, դրանց թիվը կարող է հասնել 200-ի:
