Apple-ը ընտրել է 2021-ի լավագույն ծրագրերը
Ամեն տարի Apple-ը կազմում է լավագույն ծրագրերի և խաղերի ցուցակ` վեց տարբեր անվանակարգերում:
Փոխազդեցություն
Այս անվանակարգում ընտրվում են ծրագրեր, որոնցում մշակողները կարողացել են իրականացնել հարմար և ինտուիտիվ ինտերֆեյս: Առաջին հաղթողը CARROT Weather հավելվածն էր՝ եզակի դիզայնով և հումորի առատությամբ:
Այս կատեգորիայի լավագույն խաղն ընտրվեց Bird Alone-ը, որն օգտագործում է ժեստեր և շոշափելի արձագանքներ տարբեր խաղերի համար:
Հանրային արդիականություն
Այս անվանակարգում ընտրում են ծրագրեր, որոնք օգնում են մարդկանց լուծել հրատապ խնդիրներ: «Եղիր իմ աչքերը» ծրագիրը ընտրվեց՝ որպես լավագույնը։ Այն օգնում է կույրերին և տեսողության խնդիրներ ունեցող մարդկանց` տեսախցիկի և աշխարհի կամավորների միջոցով ճանաչել օբյեկտները:
Այս կատեգորիայի խաղերի շարքում ընտրվեց Albo-ն` պատմություն մի աղջկա՝ Ալբայի մասին, որը փրկում է վայրի կենդանիներից, քանի որ նրանք որոշել են ոչնչացնել արգելոցը` նոր հյուրանոց կառուցելու համար:
Տեսողական ներկայացում և գրաֆիկա
Այստեղ նշվում են գեղեցիկ ինտերֆեյսով և անսովոր դիզայնով հավելվածները: Լավագույնը բելառուսական ծրագրավորողների Loona ծրագիրն էր, որն օգնում է տրամադրվել քնելուն՝ պարզ մինի խաղերի և երաժշտական էֆեկտների օգնությամբ:
Genshin Impact-ը ընտրվեց՝ որպես ամենագեղեցիկ խաղը` մեծ բաց աշխարհով և մանրամասն գրաֆիկայով:
Նորարարություններ
Օգտագործելով Core ML նեյրոնային ցանցի մոդուլը Apple սարքերում՝ NaadSadhana հավելվածն օգնում է երաժիշտներին հասկանալ վոկալի ընթացքում կատարված սխալները:
Խաղերի շարքում League of Legends: Wild Rift-ը կոչվեց նորարարական, որում մշակողները կարողացան կոկիկ կերպով փոխանցել խաղային համակարգը համակարգչից՝ բջջային սարքերի:
Ուրախություն և զվարճանք
Pok Pok Playroom-ն ընտրվել է՝ որպես լավագույն զվարճանքի հավելվածը երեխաների համար` օգնելու նրանց զարգացնել ստեղծագործականությունն ու փորձեր կատարել:
Փոքրիկ Օրֆեոսը ընտրվեց որպես ամենահետաքրքիր խաղը։ Այն հարթակ է, որը ունի հետաքրքիր պատմվածք և հարմար հսկողություն:
Ներառականություն
Այս կատեգորիայի հաղթողները կարողացան ստեղծել այնպիսի ծրագրեր, որոնք հավասարապես հարմար և օգտակար են տարբեր ծագում ունեցող, տարբեր ֆիզիկական հնարավորություններ ունեցող և տարբեր լեզուներով խոսող մարդկանց համար: Voice Dream Reader-ն ընտրվեց որպես լավագույնը։ Այն կարող է բարձրաձայն կարդալ տեքստը գրեթե ցանկացած աղբյուրից, ներառյալ՝ PDF ֆայլերը:
HoloVista-ն աջակցում է մատչելիության մի շարք առանձնահատկությունների, ներառյալ կառավարման տարբեր տեսակի շարժումներ, տառատեսակների չափսեր, տեքստի հակադրություն և ձայնային և տեսողական ինտենսիվություններ:
Մրցույթի հաղթողները Apple-ից կստանան անվճար ծրագրակազմ, որը կօգնի զարգացնել իրենց նախագծերը և ստեղծել նոր ծրագրեր:
Սիրարփի Աղաբաբյան
