ԵԱՀԿ նախագահը ողջունել է 15 գերեվարված հայերի վերադարձը Հայաստան
ԵԱՀԿ գործող նախագահ, Շվեդիայի ԱԳ նախարար Ան Լինդեն թվիթերյան էջում ողջունել է 15 գերեվարված հայերի վերադարձը Հայաստան։
«Ողջունում ենք 15 գերեվարված հայերի վերադարձը Հայաստան և Ադրբեջանին տեղեկատվության փոխանցումը, որը կնպաստի տարածքների ականազերծմանը։ Սա ցույց է տալիս ԵԱՀԿ-ի և ԵԱՀԿ-ում Շվեդիայի նախագահության արժեքը։ Վստահության ամրապնդման այդ միջոցները կօգնեն ԵԱՀԿ Մինսկի խմբի համանախագահների հովանու ներքո բանակցությունները շարունակելու համար համապատասխան մթնոլորտ ստեղծելուն: Ուրախ ենք աշխատել Վրաստանի, ԱՄՆ-ի և Եվրամիության հետ»,- գրել է նա:
Նշենք, որ նախօրեին Ադրբեջանը Հայաստանին է վերադարձրել 15 գերեվարված հայերի՝ Հայաստանի կողմից դրա դիմաց ստանալով Աղդամի ականապատ դաշտերի քարտեզները: Փոխանակումն անցկացվել է ադրբեջանա-վրացական սահմանին՝ Վրաստանի ներկայացուցիչների մասնակցությամբ
