Microsoft-ը սկսել է պարտադրել Windows-ի թարմացումները
Microsoft-ը գործարկել է Windows-ի օգտագործողների ավտոմատ անցումը OS-ի նոր տարբերակին: Այս մասին հաղորդվում է կորպորացիայի կայքում:
Ընկերության կայքում տեղադրված տեղեկատվության համաձայն, առաջին փուլում Microsoft-ը ընտրովի կերպով կթարմացնի օգտագործողների համակարգիչները՝ օգտագործելով արհեստական բանականություն: 21H1-ի կամ 2021-ի մայիսի թարմացումը, որը ներկայացվել է մայիսի վերջին, առաջին հերթին տարածվելու է սահմանափակ թվով օգտվողների համար, որպեսզի ընկերության մասնագետները կարողանան ավելի արդյունավետ աշխատել թարմացման ընթացքում տեղի ունեցած սխալներով:
«Մենք սկսեցինք օգտագործել մեր մեքենայական ուսումը յուրաքանչյուր փուլում` Windows 10-ի նոր տարբերակները խելացիորեն տեղակայելու և սահուն նորացումներ ապահովելու համար»,- ասել են կորպորացիայի ինժեներները:
21H1 տարբերակի կամ 2021 թ. մայիսի թարմացումը հասանելի կլինի բոլոր այն համակարգիչներում, որոնք աշխատում են Windows 10-ի 20H2 և 2004 տարբերակներում, որոնց օգտագործողները նշել են ԱՀ-ի կարգավորումներում` ավտոմատ կերպով թարմացումներ ստանալու համար: Այս դեպքում թարմացումը կլինի պարտադիր, օգտագործողի մասնակցությունը չի պահանջվի:
Հունիսի 24-ին Microsoft-ը կներկայացնի հաջորդ սերնդի օպերացիոն համակարգը: Ըստ ինսայդերների, նոր ՕՀ-ն կկոչվի Windows 11:
Սիրարփի Աղաբաբյան
