Բրազիլացի ֆուտբոլիստները համաձայնել են մասնակցել Ամերիկայի գավաթին
Բրազիլիայի ազգային հավաքականի ֆուտբոլիստները հայտարարություն են տարածել, որում նրանք հայտարարել են, որ մասնակցելու են Ամերիկայի գավաթին:
«Երբ բրազիլացի է ծնվում, երկրպագու է ծնվում: Մենք այս հաղորդագրությունը գրել ենք ավելի քան 200 միլիոն երկրպագուների՝ Ամերիկայի գավաթի խաղարկության անցկացման վերաբերյալ իրենց կարծիքը հայտնելու համար:
Մենք սերտ կապված թիմ ենք, բայց տարբեր գաղափարներով: Տարբեր պատճառներով՝ մարդասիրական կամ մասնագիտական, մենք դժգոհ ենք Ամերիկայի գավաթից՝ լինի դա Չիլիում թե նույնիսկ Բրազիլիայում: Բոլոր վերջին իրադարձությունները ստիպում են մեզ հավատալ դրա իրականացման գործընթացի ոչ ադեկվատությանը:
Կարևոր է ընդգծել, որ մենք երբեք չենք ցանկացել այս քննարկումը դարձնել քաղաքական: Մենք գիտակցում ենք մեր դիրքի կարևորությունը, հետևում ենք այն ամենին, ինչ տպագրվում է լրատվամիջոցներում և սոցիալական ցանցերում: Մենք նաև պաշտպանում ենք կանխելը մեր անունների հետ կապված կեղծ լուրերի տարածումը՝ առանց հավաստի փաստերի: Մենք հիշում ենք, որ մենք պրոֆեսիոնալ ֆուտբոլիստներ ենք:
Մենք հսկայական պատմություն ունեցող աշխարհի հնգակի չեմպիոնի դեղին և կանաչ մարզաշապիկը կրելու առաքելություն ունենք: Մենք դեմ ենք Ամերիկայի գավաթին, բայց երբեք չենք հրաժարվի Բրազիլիայի ազգային հավաքականում խաղալուց»,- ասվում է Բրազիլիայի ազգային հավաքականի խաղացողների մանիֆեստում, որի տեքստը հրապարակվել է խաղացողների սոցիալական ցանցերում՝ մասնավորապես Նեյմարի, Տիագո Սիլվայի, Ալիսոնի և Կազեմիրոյի Instagram-ի պատմություններում:
Սկզբնապես մրցաշարը պետք է անցկացվեր Կոլումբիայում և Արգենտինայում, բայց երկու երկրներն էլ կորցրեցին այդ իրավունքը: Կոլումբիան մնաց առանց մրցաշարի՝ երկրում ստեղծված քաղաքական իրավիճակի և կորոնավիրուսի պատճառով: Արգենտինան ունի նաև վարակման ռիսկի բարձր մակարդակ, որի պատճառով մայիսին դադարեցվել են բոլոր ազգային մրցաշարերը:
Հետո Ամերիկայի գավաթը տեղափոխվեց Բրազիլիա, որին դեմ էին ազգային հավաքականի բոլոր խաղացողները և գլխավոր մարզիչ Տիտեն: Խոսակցություններ կային, որ ազգային հավաքականի ֆուտբոլիստները հրաժարվում են մրցաշարում խաղալուց, բայց ավելի ուշ իշխանությունների ճնշման ներքո համաձայնեցին:
Սիրարփի Աղաբաբյան
