Շաբաթը մեկ անգամ լոլիկի հյութ խմելու 5 պատճառ

Շուկաներն արդեն լի են հյութալի լոլիկներով: Լավագույն ժամանակն է լոլիկի հյութ պատրաստելու համար: Ցավոք, բոլորը չէ, որ ունեն շաբաթը մեկ անգամ լոլիկի հյութ խմելու սովորություն, այնինչ այն շատ առողջարար է: Ներկայացնում ենք տնական լոլիկի հյութի 5 օգտակար հատկանիշները:

1. Լոլիկի հյութի հաճախակի օգտագործումը զգալիորեն նվազեցնում է որոշ լուրջ հիվանդությունների վտանգը: Փաստն այն է, որ լոլիկը պարունակում է հզոր հակաօքսիդիչ՝ լիկոպեն, որը չի կորցնում իր հատկությունները նույնիսկ պաստերիզացիայից հետո:

2. Լոլիկի հյութը նվազեցնում է մարմնում խոլեստերինի քանակը, ուստի հաջողությամբ պայքարում է սրտի հետ կապված խնդիրների դեմ:

3. Միայն բանանը չէ, որ նպաստում է տրամադրության բարձրացմանը: Լոլիկն օրգանիզմում ապահովում է սերոտոնինի բավարար քանակություն:

4. Լոլիկի հյութը պարունակում է նաև հսկայական քանակությամբ վիտամին C: Այն հիանալի է իմունային համակարգն ուժեղացնելու համար:

5. Ձեր մաշկը նույնպես շնորհակալ կլինի, եթե սկսեք մի փոքր ավելի հաճախ լոլիկի հյութ խմել: Լոլիկի հյութի շնորհիվ մաշկը շատ արագ մաքրվում է և առողջ տեսք ստանում:

Պատրաստեց Անի Գաբուզյանը