«Պատրաստ ենք օգնել հայ-ադրբեջանական սահմանի սահմանագծման հարցում». ԱՄՆ պետքարտուղարի օգնականի պաշտոնակատար
ԱՄՆ-ն պատրաստ է տեխնիկական աջակցություն տրամադրել հայ-ադրբեջանական սահմանի սահմանագծման համար:
Այս մասին այսօր լրագրողներին հայտնել է Ադրբեջանում պաշտոնական այցով գտնվող ԱՄՆ պետքարտուղար Էնթոնի Բլինկենի՝ Եվրոպայի և Եվրասիայի գործերով օգնականի պաշտոնակատար Ֆիլիպ Ռիկերը, փոխանցում է minval.az-ը։
«Սահմանագծումը շատ կարևոր է: Դա բոլորին օգուտ կբերի: Այս գործընթացը սկսելու համար անհրաժեշտ է քաղաքական կամք:
Բոլորս պետք է մտահոգված լինենք իրավիճակի վատթարացման հավանականությամբ: Մենք երկու կողմերին կոչ ենք անում հնարավորինս արագ լուծել այս հարցը, ինչպես նաև վերադառնալ առարկայական բանակցությունների՝ ԵԱՀԿ Մինսկի խմբի նախագահության ներքո»,- ասել է Ռիկերը։
