Հետախուզվողը ներկայացավ ոստիկանության «Զվարթնոց» օդանավակայանի գծային բաժին
Ոստիկանության «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ Մոսկվա-Երևան չվերթի ինքնաթիռի ժամանումից հետո գծային բաժին է ներկայացել 41-ամյա Աղասի Ա.-ն, որը փետրվարի 2-ից գծային բաժնի կողմից հետախուզվում էր ՀՀ քրեական օրենսգրքի 267.1-րդ (Թմրամիջոցների, հոգեմետ (հոգեներգործուն) նյութերի և (կամ) դրանց պրեկուրսորների մաքսանենգությունը) և 266-րդ (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) հոդվածների մեղադրանքով:
Խափանման միջոցը՝ ստորագրություն:
