Ադրբեջանի և Թուրքիայի իշխող կուսակցությունները համագործակցության մասին պայմանավորվածություն են ձեռք բերել
Ադրբեջանի և Թուրքիայի իշխող կուսակցություններն արձանագրություն են ստորագրել համագործակցության մասին:
Ինչպես հայտնում են ադրբեջանական ԶԼՄ-ները, արձանագրությունը ստորագրել են «Նոր Ադրբեջան» կուսակցության փոխնախագահ Թայիր Բուդագովը և թուրքական «Արդարություն և զարգացում» կուսակցության առաջին փոխնախագահ Նուման Քուրտուլուշը: Իրադարձությունը տեղի է ունեցել ադրբեջանական իշխող կուսակցության պատվիրակության` Թուրքիա կատարած այցի ընթացքում:
Հանդիպմանը, որը կայացել է թուրքական իշխող կուսակցության կենտրոնական շտաբում Անկարայում, քննարկվել են երկու ուժի միջև համագործակցության հեռանկարները:
