«Գվարդիոլան իր մեկնարկային կազմով գողացավ Չեմպիոնների լիգան «Ման Սիթիից» ու երկրպագուներից»․ Մատեուս
«Բավարիայի» նախկին կիսապաշտպան Լոտար Մատեուսը քննադատել է «Մանչեսթեր Սիթիի» գլխավոր մարզիչ Պեպ Գվարդիոլային «Չելսիի» դեմ Չեմպիոնների լիգայի եզրափակչի մեկնարկային կազմն ընտրելու համար (0:1):
«Գվարդիոլան իր մեկնարկային կազմով գողացավ Չեմպիոնների լիգան «Մանչեսթեր Սիթիից» և թիմի երկրպագուներից: Նա պետք է բոլոր կողմերից լսի արդար և կոշտ քննադատություններ:
Համոզված եմ, որ ակումբը կքննարկի նրա պաշտոնանկության հարցը: Այս եզրափակչից հետո ֆուտբոլիստները կսկսեն կասկածել նրան: Նրան անհրաժեշտ էր մեկ այլ բան փորձել, ամենաանպատեհ պահին սրամտություն ցուցադրել: Գվարդիոլան լիովին արժանի էր պարտությանը:
Ինչպե՞ս կարող ես առանց հենակետային կիսապաշտպանի խաղալ ակումբի պատմության ամենակարևոր խաղը: Մրցաշրջանի գրեթե յուրաքանչյուր խաղում դու խաղացող ես դուրս բերել այս դիրքում: Այն ապահովում է հավասարակշռություն, ապահովագրում է բոլորին:
Ինչո՞ւ Ռոդրին և (կամ) Ֆերնանդինյոն մնացին պահեստային խաղերում, մեկնարկում՝ վեց հարձակվող կիսապաշտպաններով, իսկ խաղադաշտում կենտրոնական հարձակվող չկար»,- գրել է Մատեուսն իր սյունակում:
Սիրարփի Աղաբաբյան
