«Ռեալը» բանակցություններ է վարում Անչելոտիի հետ

Մադրիդի «Ռեալն» ուսումնասիրում է այն մասնագետների թեկնածությունները, ովքեր կարող են ղեկավարել թիմը Զինեդին Զիդանի ակումբից հեռանալուց հետո:

Այս պահին մադրիդյան ակումբի ընտրացուցակում ընդգրկված են Կառլո Անչելոտին, ով աշխատում է «Էվերթոնի» հետ, Անտոնիո Կոնտեն, որը լքել էր «Ինտերը» մի քանի օր առաջ, և Ռաուլը, ով աշխատում է «Կաստիլյայի» հետ:

Cadena SER-ը՝ վկայակոչելով բանակցություններին մոտ կանգնած աղբյուրներին, «Ռեալի» ու Անչելոտիի միջև շփումները սկսվել են չորս օր առաջ: «Էվերթոնն» արդեն փնտրում է նոր մարզչի այն դեպքում, եթե իտալացին ակումբը լքի: Այս պահին «Ռեալի» ղեկավարությունը դրական է վերաբերվում Անչելոտիի վերադարձին, սա սիրված թեկնածու է:

61-ամյա մասնագետի գործող պայմանագիրն «Էվերթոնի» հետ ավարտվում է 2024 թվականին:

Իտալացին արդեն մարզել է «Ռեալը» 2013-2015 թվականներին: Նրա գլխավորությամբ Մադրիդը նվաճեց Չեմպիոնների լիգան, Աշխարհի ակումբային առաջնությունը, Իսպանիայի գավաթը և սուպերգավաթը:

Սիրարփի Աղաբաբյան