Էրդողանի որոշմամբ Թուրքիան դուրս է եկել Ստամբուլի կոնվենցիայից

Թուրքիայի նախագահ Ռեջեփ Թայիփ Էրդողանի որոշմամբ երկիրը դուրս է եկել Եվրոպայի Խորհրդի ընդունած միջազգային համաձայնագրից, որն առավել հայտնի է Ստամբուլյան կոնվենցիա անվամբ։ Այն ստորագրվել էր 2011 թվականի մայիսի 11-ին Ստամբուլ քաղաքում, որտեղից էլ ստացել էր այդ անվանումը։

Թուրքիայի աշխատանքի և սոցիալական հարցերի նախարար Զեհրա Զումրութ Սելջուկը, մեկնաբանելով տեղի ունեցածը, նշել է, որ Թուրքիայի օրենսդրական համակարգն այնքան դինամիկ և ուժեղ է, որ կկարողանա ըստ անհրաժեշտության նոր կարգավորումներ անել։