««Ռեալում» ես ֆուտբոլիստների հետ չէի խոսում Մեսսիի մասին, նրանք կվախենային»․ Անչելոտի
«Էվերթոնի» գլխավոր մարզիչ Կառլո Անչելոտին խոսել է «Մանչեսթեր Սիթիի» դեմ Անգլիայի գավաթի խաղարկության քառորդ եզրափակչի նախապատրաստական աշխատանքների մասին:
«Մենք շատ խաղացել ենք Մեսսիի դեմ, երբ ես «Ռեալում» էի: Սա ամենաուժեղ խաղացողներից մեկն է: Պետք չէ այդ մասին խոսել ձեր խաղացողների հետ: Դա նրանց կվախեցնի:Ես այդպես չէի անում «Ռեալում»։
Այնպես որ, ես փորձում եմ շատ չխոսել «Մանչեսթեր Սիթիի» մասին: Բոլորն էլ գիտեն, թե որքան որակյալ է թիմը, որքան հմուտ են տղաները: Մենք պետք է կենտրոնանանք այն բանի վրա, ինչ ինքներս պետք է անենք:
Ես ուրախ եմ մարզման ընթացքում աշխատելու եղանակից: Չգիտեմ ՝ կկարողանա՞նք մեզ խաղի ընթացքում հիանալի դրսևորել, բայց հույս ունեմ, որ այդպես է»,- ասել է Անչելոտին:
Սիրարփի Աղաբաբյան
