Որո՞նք են այսօր Թուրքիայի օրակարգային խնդիրները․ սոցհարցում

Իշխանամետ լրագրող Աբդուլքադիր Սելվին, հղում անելով Թուրքիայում սոցհարցում իրականացրած «Optimar» ընկերության տվյալներին, նշել է, թե այս պահին որոնք են Թուրքիայի օրակարգային խնդիրները։ Այս մասին տեղեկացնում է ermenihaber.am-ը։

Ըստ այդմ՝ թեպետ այսօր կան այնպիսի կարևորության խնդիրներ, ինչպիսիք են սահմանադրական փոփոխությունների, ընդդիմադիր քրդամետ «Ժողովուրդների դեմոկրատական» կուսակցության փակման կամ նախագահական ընտրությունների հացրերը, այնուամենայնիվ, այսօր Թուրքիայի օրակարգային խնդիրներն այլ են։

Առաջին տեղում (35.2%) երկրի տնտեսության հարցը, երկրորդ տեղում՝ կորոնովիրուսի համավարակը, իսկ երրորդ տեղում՝ գործազրկության խնդիրը։

Սելվին նշում է, որ վերոնշյալ ոլորտներից հետո գալիս են կրթական խնդիրները և ահաբեկչության դեմ պայքարի հարցերը։

Նշում է նաև, որ հարցվածների 59 տոկոսը կարծում է, որ քրդամետ կուսակցությունը պետք է փակվի, իսկ 26.6 տոկոսը դեմ է փակմանը։