«Մենք զգուշացնում էինք երեք տարի առաջ, որ այս իշխանությունները եթե գան, հետևելու է այսպիսի արդյունք»․ Միջազգայնագետ

Թուրքիայից սպառնացող վտանգներին Բաղրամյան պողոտայում մտավորականների հավաքի ժամանակ անդրադարձավ միջազգայնագետ Արարատ Կոստանյանը: Նա նշեց, որ այդ վտանգն  այս պահին զգալի է, ու դրա մասին կարծիք կազմելու համար՝ բավական է հետևել Թուրքիայի պաշտոնական հայտարարություններին, թուրքական հաղորդումներում վերլուծաբանների հայտնած մտքերին, որոնք նորություն չեն․  «Նրանք վաղուց արդեն ցանկանում են այդ մեծ Թուրանը ստեղծել, և մենք զգուշացնում էինք երեք տարի առաջ, որ այս իշխանությունները եթե գան, հետևելու է այսպիսի արդյունք,  որովհետև այսպիսի իշխանությունը՝ ազատական, գունավոր երազանքներ ունենալով՝ չի կարող դիմագրավել այնպիսի իրավիճակում, երբ Ադրբեջանի և  Թուրքիայի վտանգը կա։

Դժբախտաբար, ժողովուրդն այդ ժամանակ չհասկացավ․ ժողովրդի մեծ մասը գլոբալ քաղաքականությունից չի հասկանում, դժբախտաբար։ Բացատրեցինք՝ չհասկացան, հիմա՝ արդեն վտանգները տեսնում ենք՝ Սյունիքի կողմում վտանգ կա, Թուրքիան նույնպես մտահոգություններ է հայտնում Հայաստանում փոփոխությունների վերաբերյալ․ Թուրքիայում միայն երևի այս իշխանությունների սիրահար սորոսական, միասեռական կազմակերպությունները մնացին,  որ Հայաստանի մասին կարծիք չհայտնեն․ արդեն բոլորը սկսեցին վտանգ տեսնել, երբ հայ ազգը ոտքի է կանգնում»,- ասաց միջազգայնագետը լրագրողների հետ զրույցում։

Անդրադառնալով հասարակական տրամադրություններին՝ Արարատ Կոստանյանը նշեց․ «Ես մտահոգված եմ ոչ թե Փաշինյանի կազմակերպած հանրահավաքներով, որտեղ ներկայացված է հասարակության ամենացածր խավը («Շուշին և Արցախը ադրբեջանական հող է ասողները»․ ես նրանց չեմ անդրադառնում, նրանք երևի հայ չեն), այլ ինձ ավելի շատ մտահոգում է անտարբերների այդ մեծ խավը,  որոնց համար կարծեք սա Էլեկտրիկ-Երևան է»։

Նա ցավով հավելեց, որ սա տնտեսական կամ սոցիալական հարց չէ, այլ երկրի լինելիության․«Ես չգիտեմ՝ արդեն որ լեզվով մարդկանց բացատրել»։

Մանրամասները՝ տեսանյութում