Մենք չենք միջամտում գործընթացներին, որոնք այնտեղ տեղի են ունենում, և ոչ ոքի կողմը չենք անցնում. ՌԴ փոխարտգործնախարար
«Իրավիճակը Հայաստանում այդ երկրի ներքին գործն է: Ռուսաստանը հետաքրքրված է, որպեսզի իրավիճակը հնարավորինս շուտ կարգավորվի»,- ՏԱՍՍ-ի փոխանցմամբ՝ հայտարարել է ՌԴ փոխարտգործնախարար Անդրեյ Ռուդենկոն՝ պատասխանելով հենց ՏԱՍՍ-ի հարցին:
«Դա դիտարկում ենք՝ որպես Հայաստանի ներքին գործ: Մենք չենք միջամտում գործընթացներին, որոնք այնտեղ տեղի են ունենում, և ոչ ոքի կողմը չենք անցնում: Ցանկանում ենք, որ իրավիճակը հնարավորինս շուտ կարգավորվի, քանի որ դա օգտակար կլինի բոլորի համար»,- ասել է նա՝ հավելելով, որ Ռուսաստանը հույս ունի, որ Լեռնային Ղարաբաղում իրավիճակը չի հասնի սրման:
