Արցախում հաստատվել է կորոնավիրուսային հիվանդության երկու դեպք
Արցախում մարտի 8-ին կատարված 32 թեստավորման արդյունքում հաստատվել է կորոնավիրուսային հիվանդության 2 դեպք:
Այս մասին տեղեկացնում են Արցախի առողջապահության նախարարությունից:
«Կորոնավիրուսային հիվանդությամբ այս պահին ստացիոնար բուժում է ստանում 7 վարակակիր, իսկ թեթև ձևերն ամբուլատոր բուժում են ստանում տնային պայմաններում:
Արցախում 2021 թվականին կորոնավիրուսի լաբորատոր հայտնաբերման նպատակով իրականացվել է 3 531 քաղաքացու հետազոտություն, որից 514-ի մոտ արձանագրվել է դրական թեստի պատասխան։ Ընդհանուր առմամբ, կատարվել է 20 հազար 979 թեստավորում, որից հաստատվել է կորոնավիրուսային հիվանդության 2 398 դեպք»,-հայտնում են գերատեսչությունից՝ հորդորելով հետևել առողջապահական ցուցումներին՝ նոր բռնկումներից խուսափելու և կորոնավիրուսային վարակը հաղթահարելու համար:
