Խաղաղ օվկիանոսում շուրջ 25 հետցնցում է գրանցվել երկրաշարժից հետո
Ավելի քան 5 մագնիտուդով շուրջ 25 հետցնցում է գրանցվել մարտի 4-ին Քերմադեկյան արշիպելագի ափերի մոտ, որը մտնում է Նոր Զելանդիայի կազմի մեջ: Համապատսխան տվյալները հայտնում է Ավստրալիայի պետական երկրաֆիզիկական ծառայությունը։
Ավելի վաղ ԱՄՆ-ի Երկրաբանական ծառայությունը հայտնել է Քերմադեկյան արշիպելագի ափերի մոտ տեղի ունեցած 8 մագնիտուդով երկրաշարժի մասին: ԱՄՆ-ի Ցունամիների մասին նախազգուշացման ազգային կենտրոնը հրապարակել է նախազգուշացում ցունամիի մասին: Այդ կապակցությամբ Նոր Զելանդիայի Քաղաքացիական պաշտպանության եւ արտակարգ իրավիճակների վարչությունը ռիսկի գոտում գտնվող շրջանների բնակիչներին հայտնել է շտապ տարահանվելու անհրաժեշտության մասին:
Ավելի ուշ Նոր Զելանդիայի Քաղաքացիական պաշտպանության եւ արտակարգ իրավիճակների վարչությունը չեղյալ է հայտարարել ցունամիի սպառնալիքի մասին նախազգուշացումը: Գերատեսչությունում նշել են, որ ցունամիի սպառնալիը չեղյալ է հայտարարվել, սակայն տակավին գոյություն ունի բարձր ալիքներ գալու ոչ մեծ ռիսկ: Սպասվում է, որ բոլոր գործող հանձնարարականները վերջնականապես չեղյալ կհայտարարվեն երեկոյան դեմ, հաղորդել է ՏԱՍՍ-ը:
