Վրաստանում ինչպես է փոխվում կորոնավիրուսի համաճարակային վիճակը

Վրաստանում կորոնավիրուսի 133 նոր դեպքերից, որոնք երկրում արձանագրվել են անցած օրը, Թբիլիսիում հայտնաբերվել է 78-ը, հաղորդվում է StopCov.ge կառավարական կայքում։ Մնացած դեպքերի աշխարահագրությունն ունի հետեւյալ տեսքը.

Աջարիայում՝ 3, Իմերեթում՝ 20, Քվեմո Քարթլիում՝ 1, Շիդա Քարթլիում՝ 8, Սեմեգրելո Զեմո Սվանեթում՝ 14, Կախեթում՝ 2, Մցխեթ Մթիանեթում՝ 1, Սամցխե Ջավախքում՝ 1, Ռաչա Լեչխումում՝ եւ Քվեմո Սվանեթում՝ 2:

Այս պահին երկրում կա 2 212 ակտիվ դեպ, դրանցից հոսպիտալացման կարիք ունի 1 426 հիվանդ: Թբիլսիի կլինիկաներում է գտնվում 709 հիվանդ, Աջարիայի հիվանդանոցներում՝ 241:

Վրաստանում կա 249 ծանր քովիդ-հիվանդ: Նրանցից Թբիլիսիում՝ 106, Աջարիայում՝ 23, Իմերեթում՝ 64:

Արհեստական շնչառության ապարատին է միացված 87 մարդ: Քովիդ-հյուրանոցներում է գտնվում 150 հիվանդ, 636 հիվանդ բուժընթաց է անցնում տանը: Կարանտինային տարածություններում է գտնվում 316 մարդ, ինքնամեկուսացման մեջ՝ 5 997-ը: Ինչ վերաբերում է դրականության ցուցանիշին, ապա մարտի 3-ի տվյալներով՝ այն կազմում է 1,25 տոկոս, վերջին 14 օրերին՝ 1,65 տոկոս, իսկ յոթ օրում՝ 1,25 տոկոս: Վրաստանում կորոնավիրուսի առաջին դեպքը հայտնաբերվել է 2020 թվականի փետրվարի 26-ին, հաղորդել է Sputnik-ը: