ԱՄՆ-ն պատրաստ է թույլատրել Johnson & Johnson-ի պատվաստանյութի կիրառումը
ԱՄՆ-ում մասնագետները հայտնել են, որ կաշխատեն հնարավորինս արագ՝ թույլատրելու Covid-19-ի դեմ Johnson & Johnson-ի պատվաստանյութը՝ արտակարգ օգտագործման համար: Այս մասին հայտնում է Reuters-ը: Սպասվում է, որ Սննդամթերքի և դեղերի վարչությունը շուտով որոշում կկայացնի արտակարգ օգտագործման վերաբերյալ:
Դա կլինի երրորդ պատվաստանյութը, որը հասանելի է Միացյալ Նահանգներում: Այն միակն է, որը պահանջում է մեկ դեղաչափ ներարկում:
«Մենք հավատում ենք, որ COVID-19-ի դեմ մեր պատվաստանյութը ներուժ ունի՝ օգնելու փոխել համաճարակի հետագիծը և հնարավորինս շուտ հասարակությանը պաշտպանելու»,-ասել է Johnson & Johnson-ի գլխավոր գիտական ղեկավարը:
