Ուրուգվայը պատրաստ է գնել ռուսական Sputnik V պատվաստանյութը
Ուրուգվայը պատրաստ է գնել կորոնավիրուսի դեմ՝ ռուսական Sputnik V պատվաստանյութը և սպասում է Մոսկվայից փաստաթղթերն ուղարկելուն: «ՌԻԱ Նովոստի»-ին այս մասին ասել է Ուրուգվայի Առողջապահության նախարար Դանիել Սալինասը:
«Մենք ցանկանում ենք, որ պատվաստանյութը լինի պորտֆելում, բայց դեռ պատասխան չենք ստացել … Սպասում ենք կարգավորող փաստաթղթերի», – ասել է նախարարը: Նա նաև հավելել է, որ Ուրուգվայի համար շատ հետաքրքիր կլինի Sputnik V- ի արտադրությունը: Նախարարը նշել է, որ Ուրուգվայը շահագրգռված է Ռուսաստանի հետ առողջապահության ոլորտում համագործակցության մասին համաձայնագրերի կնքումով:
