Սա է այն մարդու ճակատագիրը, ով մեր պետության ողնաշարն է կոտրել. Գեղամ Մանուկյան
ՀՅԴ անդամ Գեղամ Մանուկյանը չի մեկնաբանում այսօր Կառավարության 3-րդ մասնաշենքի մոտ տեղի ունեցած իրավիճակը` թողնելով, որպեսզի ՀՀ քաղաքացին տեսնի, թե վարչապետի աթոռը զբաղեցնող մարդն ինչպես է 200 մետր քայլում Երևանում։
«Ժամանակին Նիկոլ Փաշինյանը հեծանիվով էր գնում աշխատանքի, այսօր 200 մետր քայլում է մի քանի հազար ոստիկաններով։ Սա է նրա ճակատագիրը, ով հայրենազրկել է մեր հայրենակիցներին, խլել է մեր ժողովրդի արժանապատվությունը»,- ասաց Գեղամ Մանուկյանը։
Հիշեցնենք, որ այսօր առավոտից ոստիկանական մեծաթիվ ուժեր փակել էին Կառավարության 3-րդ մասնաշենք տանող բոլոր ճանապարհները և սպասում էին Նիկոլ Փաշինյանի ժամանելուն, որից հետո հավաքված խաղաղ քաղաքացիների նկատմամբ տեղի ունեցան բռնություններ։
Մանրամասները՝ 168.am-ի տեսանյութում
