Մադրիդի «Ռեալը» խնդրում է Մբապեին սպասել մեկ տարի
Մադրիդի «Ռեալը» դեռ հետաքրքրված է հարձակվող Կիլիան Մբապեի տրանսֆերը ձեռք բերելու հարցում: Ինչպես հայտնում է ABC-ն, մադրիդյան ակումբը կարծում է, որ այս ամռանն անհնար կլինի ձեռք բերել Մբապեին բարձր տրանսֆերային գնի ու ֆուտբոլիստի աշխատավարձի պատճառով: Սերուցքայինները խնդրել են Կիլիանին մեկ տարի սպասել, որպեսզի կարողանան անվճար ձեռք բերել նրան:
Կիլիան Մբապեի գործող պայմանագիրն ուժի մեջ է մինչև 2022 թվականի հունիսի վերջ: Ոչ վաղ անցյալում հարձակվողն ասաց, որ չի ցանկանում հայտնվել այնպիսի իրավիճակում, երբ կերկարաձգի պայմանագիրը ՊՍԺ-ի հետ, իսկ մեկ տարի անց նա կցանկանա մեկնել այլ ակումբ: Մբապեն մտադիր է գիտակցված որոշում կայացնել իր ապագայի վերաբերյալ:
Ըստ As-ի, ֆրանսիացին կարող է համաձայնել ակումբի հետ նոր համաձայնագիր ստորագրել, պայմանով, որ այնտեղ նշված է, որ նա կարող է տեղափոխվել Մադրիդի «Ռեալ» կամ այլ բարձրակարգ ակումբ:
Աղբյուրի համաձայն՝ այս տարբերակը կողմերն արդեն դիտարկել են նախքան կորոնավիրուսային համաճարակի մեկնարկը: ՊՍԺ-ի մարզական տնօրեն Լեոնարդոն արդեն պատրաստվում էր ներկայացնել Մբապեին նոր պայմանագրի առաջարկները, բայց բոլոր մրցաշարերի դադարեցումն իրավիճակն անկայուն է դարձնում:
Եթե խաղացողը հրաժարվի երկարաձգել ՊՍԺ-ի հետ պայմանագիրը, նա հավանաբար կլքի ակումբն ամառային տրանսֆերային պատուհանի ընթացքում: Միևնույն ժամանակ, փարիզցիները կպահանջեն ակումբներից, որոնք ֆուտբոլիստի նկատմամբ հետաքրքրություն են ցուցաբերում, նրա համար 200 միլիոն եվրո, ասում է Le Parisien-ը:
ՊՍԺ-ն կարծում է, որ կորոնավիրուսի պատճառած ճգնաժամի պատճառով ոչ մի ակումբ չի կարողանա վճարել այդպիսի գումար: ՊՍԺ-ն իսկապես ցանկանում է թիմում պահել Մբապեին: Ֆրանսիացին դեռ վերջնական որոշում չի կայացրել իր ապագայի վերաբերյալ:
Սիրարփի Աղաբաբյան
