Ինչ եղանակ է սպասվում առաջիկա օրերին

Փետրվարի 17-ին Շիրակում, Լոռիում, Տավուշում, Արագածոտնի, Կոտայքի, Վայոց ձորի լեռնային գոտիներում, Գեղարքունիքում սպասվում են ձյան առատ տեղումներ, առանձին հատվածներում՝ բուք։ Շիրակում, Արագածոտնում, Կոտայքում, Գեղարքունիքում, Արարատյան դաշտում սպասվում է քամու ուժգնացում՝ պոռթկումները 25-30 մ/վ, իսկ Երևանում՝ 20-25 մ/վ։

Հանրապետության տարածքում՝

Փետրվարի 16-ի ցերեկը, 21-ի գիշերն առանձին շրջաններում, 17-20-ը շրջանների զգալի մասում ժամանակ առ ժամանակ սպասվում են տեղումներ, 18-20-ը լեռնային և նախալեռնային գոտիներում՝ ձյան տեսքով:

Քամին՝ հարավ-արևմտյան՝ 5-10 մ/վ, 16-17-ն առանձին վայրերում սպասվում է քամու ուժգնացում՝ 16-ին` 20-25, իսկ 17-ին` 25-30 մ/վ:

Օդի ջերմաստիճանը փետրվարի 18-21-ն աստիճանաբար կնվազի 13-16 աստիճանով։

Երևան քաղաքում՝

Փետրվարի 16-ի ցերեկը սպասվում է անձրև, 17-ին սպասվում է անձրև և ամպրոպ, 18-20-ը՝ թաց ձյուն, 21-ին սպասվում է առանց տեղումների եղանակ: Փետրվարի 17-ին սպասվում է քամու ուժգնացում՝ 20-25 մ/վ։

Երևան քաղաքի փետրվարի 17-ի բազմամյա կլիմայական տվյալներ.

· Օդի առավելագույն ջերմաստիճան` 13.90C (1979 թ.)
· Օդի նվազագույն ջերմաստիճան` -13.90C (1976 թ.)
· Օդի միջին օրական ջերմաստիճան` -0.90C