Հայտնի է դարձել Լարի Քինգի կտակի բովանդակությունը
Ամերիկյան People ամսագրի տրամադրության տակ է հայտնվել հեռուստահաղորդավար Լարի Քինգի ձեռագիր կտակը: Ինչպես հաղորդում է «ՌԻԱ Նովոստի»-ն, փաստաթուղթը թվագրվում է 2019 թվականի հոկտեմբերի 17-ին:
Կտակը կազմել են այն բանից երկու ամիս անց, երբ լրագրողը ամուսնալուծության հայց է ներկայացրել իր 7-րդ կնոջ՝ Շոն Սաութվիկից բաժանվելու համար: Քինգը ցանկացել է, որ իր ունեցվածքը, որը գնահատվել է 2 մլն դոլար, հավասարապես բաժանեն երեխաների՝ որդիների ՝ Էնդիի, Լարի-կրտսերի, Քենոնի և Չենսի, ինչպես նաև դստեր՝ Չայայի միջև:
Քանի որ Էնդին ու Չայան մահացել են դեռ հոր կենդանության օրոք, ժառանգությունը ստանալու են մյուս 3 որդին:
Քինգը մահացել է հունվարի 23-ին Լոս Անջելեսի հիվանդանոցներից մեկում՝ 88 տարեկանում: Հեռուստահաղորդավարը հայտնի է եղել իր Larry King Live շոուի շնորհիվ: Այն եթերում է եղել 1985- 2010 թթ.:
