Xiaomi սարքերում արգելվել է տեղադրել Google-ի ծառայություններ

Սմարթֆոնների սեփականատերերը բողոքել են MIUI 12.5-ը թարմացնելուց հետո ծառայություններ տեղադրելու հետ կապված խնդիրներից:

Xiaomi-ն հայտնել է, որ այն այլևս օգտվողներին հնարավորություն չի տա տեղադրել կամ ներբեռնել Google Mobile Services (GMS) ՝ անհամապատասխանության պատճառով, հաղորդում է Gizmochina-ն: Ընկերությունը չի հրապարակել այն մոդելների ցանկը, որոնք ընկել են քաղաքականության փոփոխության տակ, բայց որոշ օգտվողներ հայտնել են, որ ծառայություններն այլևս չեն աշխատում չինական շուկայի համար նախատեսված նոր Redmi K30 Ultra և Redmi 10X 5G մոդելների վրա:

Ըստ աղբյուրի՝ GMS-ի արգելքը գործում է միայն Չինաստանում: Xiaomi սմարթֆոնների գլոբալ տարբերակները կշարունակեն աջակցել Google-ի ծառայությունների ներբեռնմանը:

Հիշեցնենք, որ ԱՄՆ կառավարությունը նախկինում Xiaomi-ն ընդգրկել էր ամերիկացի ներդրողների համար արգելված ընկերությունների ցուցակում: Սա նշանակում է, որ ամերիկացիները չեն կարող բաժնետոմսեր ունենալ և ներդրումներ կատարել չինական ընկերությունում:

Արգելքն ուժի մեջ է մտնում 2021 թվականի նոյեմբերի 11-ից: Ֆոնդային բորսան արագ արձագանքեց այս լուրերին. Հոնկոնգի ֆոնդային բորսայում Xiaomi-ի բաժնետոմսերը կտրուկ անկում ապրեցին 12%-ով:

 Սիրարփի Աղաբաբյան