Առուշ Առուշանյանը բերման է ենթարկվել քրեական գործի շրջանակներում. Ոստիկանություն
Գորիս խոշորացված համայնքի ղեկավար Առուշ Առուշանյանը բերման է ենթարկվել քրեական գործի շրջանակներում և փոխանցվել Քննչական կոմիտե։ Այս մասին 168.am-ին տեղեկացրեցին Ոստիկանության լրատվության և հասարակայնության հետ կապերի վարչությունից` պատասխանելով այն հարցին, թե երբ է ազատ արձակվելու Առուշ Առուշանյանը, քանի որ բերման ենթարկելու 3 ժամն անցել է արդեն։
Այլ հարցերի պատասխանները ստանալու համար մեզ խորհուրդ տվեցին դիմել Քննչական կոմիտե։ Քննչական կոմիտեից տեղեկատվություն ստանալուն պես կհրապարակենք։
