«Իմ տեղեկություններով՝ պահանջը վերաբերում է քաղաքապետարանի աշխատակազմի պատշաճ վարձատրությանը». Դավիթ Խաժակյանը՝ Քաղաքապետարանում բունտի մասին
Տելեգրամյան «Մեդիապորտ» ալիքը գրել է, որ Երևանի քաղաքապետարանում բունտ է, աշխատակիցները պահանջում են Հայկ Մարությանի հրաժարականը: 168.am-ը կապ հաստատեց Երևանի ավագանու «Լույս» խմբակցության ղեկավար Դավիթ Խաժակյանի հետ, ով մեզ հետ զրույցում ասաց, որ իր տեղեկություններով՝ պահանջն այլ է:
«Իմ տեղեկություններով՝ պահանջը վերաբերում է քաղաքապետարանի աշխատակազմի պատշաճ վարձատրությանը: Մենք այս երկու տարիների ընթացքում տեսել ենք, թե քաղաքապետն ինչպես է իր մերձավորներին շռայլորեն մեծ, չտեսնված մեծ պարգևատրումներ տալիս, իսկ այն վճարը, որը մշտապես արվում էր տարեվերջին աշխատակազմին, այս տարի քաղաքապետը հրաժարվել է անել, որը հարուցել է աշխատակիցների դժգոհությունը»,- ասաց Խաժակյանը:
Ավագանու «Լույս» խմբակցության ղեկավարը նշեց, որ իր տվյալներով՝ վաղը շարունակվելու է:
«Ենթադրում եմ, որ այսօր պարզապես աշխատակիցները հավաքվել են միասին, հավանաբար ձևակերպել են իրենց խնդիրները, և իմ տեղեկություններով՝ վաղը շարունակվելու է»,- ասաց նա:
