«Այդ բանակը կայացավ և մեծացավ մեր գրկում, ուրեմն մենք իրավունք չունենք իրեն դավաճանելու». Շուշան Պետրոսյան
Հայաստանի Հանրապետական կուսակցության նախկին պատգամավոր, երգչուհի Շուշան Պետրոսյանն Ազատության հրապարակում դիմելով հայրենակիցներին՝ ասաց. «Ես երբեք չեմ ասել, որ սիրում եմ ձեզ, երբեք չեմ ասել, որ խոնարհվում եմ ձեր առջև. Ես այդպես սիրով ու խոնարհումով ապրել եմ միշտ, ապրում եմ և պիտի ապրեմ»:
Երգչուհին կատարեց «Երազ իմ երկիր հայրենի» երգը, որը մեր բանակի խորհրդանիշն է, ՀՀ բանակի հիմնը. «Այդ բանակը կայացավ և մեծացավ մեր գրկում, ուրեմն մենք իրավունք չունենք իրեն դավաճանելու, ուրեմն պետք է սպեղանենք վերքերը, ուրեմն պետք է ամրացնենք մեր բանակը»:
«Նիկոլը դավաճան է»,- իր ելույթը եզրափակեց Շուշան Պետրոսյանը:
