Այրվել են ավտոմեքենայի դիմային հատվածը և սրահը
Նոյեմբերի 21-ին, ժամը 02:45-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր քաղաքի Տարոն-2, ՔՇՀ-4 թաղամասի թիվ 29 շենքի բակում այրվում է ավտոմեքենա:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ այրվում է «Toyota Camry» ավտոմեքենա։
Հրդեհը մեկուսացվել է ժամը 02:59-ին, մարվել՝ 03:40-ին: Այրվել են ավտոմեքենայի դիմային հատվածը և սրահը՝ մասամբ:
