Հոկտեմբերին Գեղարքունիքի մարզի բուժհաստատություններում ծնվել է 245 երեխա
2020 թվականի հոկտեմբեր ամսին Գեղարքունիքի մարզի ծննդօգնություն իրականացնող բուժհաստատություններում լույս աշխարհ են եկել 245 երեխա՝ 122 տղա եւ 123 աղջիկ։
Ինչպես «Արմենպրես»-ին տեղեկացրին Գեղարքունիքի մարզպետարանի առողջապահության եւ սոցիալական ապահովության վարչությունից, նորածիններից երկուսը լույս աշխարհ են եկել ռազմական գործողությունների հետեւանքով Արցախից Գեղարքունիք տեղափոխված ընտանիքներում։
Մարտունու ծննդատանը ծնվել է 148 երեխա, Գավառի, Սեւանի բժշկական կենտրոններում՝ համապատասխանաբար 41 և 35, Վարդենիսի հիվանդանոցում՝ 18, Ճամբարակի առողջության կենտրոնում՝ 3։
Խոսրով Խլղաթյան
