«Ինձ զանգում՝ ահաբեկում են, որ ընտանիքիս կվերացնեն. ընտանիքս հիմա սարսափելի վիճակի մեջ է». Արսեն Ավետիսյան
«Կիրակի օրը ես պարոն Ծառուկյանի կողմնակիցների մոտ էի, հարցազրույց տվեցի, և արդեն 2 օր է՝ ինձ զանգում՝ ահաբեկում են, որ ընտանիքիս կվերացնեն: Ես էլ մենակ եմ, ոչ թիկունք ունեմ, ոչ մի բան: Ընտանիքս հիմա սարսափելի վիճակի մեջ է, դռները փակել՝ նստել ենք»,- ասաց 168.am-ի խմբագրություն ահազանգած ազատամարտիկ Արսեն Ավետիսյանը՝ ընդգծելով, որ ավելորդ է համարում բողոքելը, որովհետև «օրենքը իրենց ձեռքն է»:
«Կիրակի օրը ինձ երկու անգամ բերման են ենթարկել: Առաջին անգամը չէ, որ իմ հանդեպ բռնություն է գործադրվում ոստիկանության կողմից: Նիկոլն ինձ լավ ճանաչում է, ես իր կողքին էի հեղափոխության ժամանակ, բայց երբ տեսա, թե նա ինչ է անում, սկսեցի իր դեմ պայքարել»,- ասաց նա:
