Ամենայն Հայոց Կաթողիկոսը չի հրավիրվել Արցախի նախագահի երդմնակալության արարողությանը
«Արցախի նախագահի երդմնակալության արարողությանը Ամենայն Հայոց Կաթողիկոսը չի հրավիրվել»,- այս մասին 168.am-ի հետ զրույցում ասաց Մայր Աթոռի տեղեկատվական համակարգի պատասխանատու Տեր Վահրամ քահանա Մելիքյանը:
«Վեհափառ Հայրապետը ուղերձ է հղել նորընտիր նախագահ Արայիկ Հարությունյանին, նաև հեռախոսազրույց ունեցել` մաղթելով ձեռքբերումներ հանուն Արցախի ժողովրդի»,- ասաց նա՝ հավելելով, որ նախորդիվ ևս այդ արարողություններին Հայոց Հայրապետը չի մասնակցել։
