Մեր ընդդիմադիր գործընկերների որդեգրած պահվածքն անպատասխանատու է. Տաթևիկ Հայրապետյան
Մեր ընդդիմադիր գործընկերների որդեգրած պահվածքը արտակարգ դրության ժամանակ բավականին անպատասխանատու է, և առաջիկայում մենք կարող ենք ունենալ ավելի բարդ իրավիճակներ, իսկ նման նեղացկոտ, չհիմնավորված պահվածքը հիասթափեցնում է քաղաքացիներին:
Այսօր՝ մարտի 31-ին, ուշ երեկոյան Ազգային ժողովում շարունակվող արտահերթ հատուկ ընթացակարգով անցկացվող նիստում հայտարարեց ԱԺ «Իմ քայլը» խմբակցության պատգամավոր Տաթևիկ Հայրապետյանը:
Խորհրդարանում քննարկվում էր «Արտակարգ դրության իրավական ռեժիմի մասին» և «Էլեկտրոնային հաղորդակցության մասին» օրենքներում փոփոխություններ կատարելու մասին նախագծերը երկրորդ ընթեցմամբ ընդունելու մասին հարցը։
«Իմ քայլը» խմբակցության պատգամավորն իր ելույթում նշեց նաև, որ այս օրենքներում կատարվող փոփոխությունների նպատակն է արտակարգ դրության ընթացքում պարետին տալ հնարավորություններ՝ այս գործիքակազմն օգտագործելով կանխելու վարակի տարածումը երկրում։
«Մենք պետք է կողմ քվեարկենք այս նախագծին, իսկ մեր ընդդիմադիր գործընկերների պահվածքը բազմաթիվ հարցադրումների տեղիք է տալիս»,- ասաց պատգամավորը:
