Վերին Լարսի անցակետում մնացած ՀՀ 140 քաղաքացիները վերադարձել են Հայաստան
Վերին Լարսի անցակետի բացվելուց հետո այնտեղ մնացած ՀՀ 140 քաղաքացիները վերադարձել են Հայաստան։ Այս մասին «Ֆեյսբուք»-ի իր էջի ուղիղ եթերում տեղեկացրեց ՀՀ վարչապետ Նիկոլ Փաշինյանը։
Նա հիշեցրեց, որ կորոնավիրուսի տարածումը կանխարգելելու նպատակով Վրաստանի իշխանություններն արգելել են օտարերկրյա քաղաքացիների մուտքը Վրաստան, սակայն Ռուսաստանի և Վրաստանի գործընկերների հետ համագործակցության շնոհիվ ՀՀ վերոնշյալ քաղաքացիները կարողացել են վերադառնալ Հայաստան։
«Ուզում եմ խնդրել Ռուսաստանում գտնվող մեր հայրենակիցներին Հայաստան գալու համար օգտվել բացառապես օդային տրանսպորտից»,- նկատեց Նիկոլ Փաշինյանը՝ հավելելով, որ վերոնշյալ դեպքը բացառություն էր և իրականցվել է հայկական կողմի խնդրանքով։
