ՃՈ-ն քաղաքացիներին հորդորում է հնարավոր բոլոր գործողություններն իրականացնել էլեկտրոնային հարթակի միջոցով
ՀՀ ոստիկանությունը հորդորում է առաջնորդվել առողջապահության ոլորտի պատասխանատուների ցուցումներով և խուսափել մարդաշատ վայրեր այցելելուց։ Այդ նպատակով ՃՈ կողմից քաղաքացիներին մատուցվող ծառայություններում հնարավոր շփումները նվազեցնելու նպատակով հանդես է եկել հայտարարությամբ․
«Հաշվի առնելով, որ առողջապահության ոլորտի պատասխանատուների կողմից տրվել են առողջության պահպանման հստակ ցուցումներ, այդ թվում՝ նաև մարդաշատ վայրերում գտնվելուց խուսափելը, կորոնավիրուսի հնարավոր տարածումը կանխելու նպատակով խնդրում և հորդորում ենք․
1․ Տրանսպորտային միջոցների գրանցման /հաշվառման/, վարորդական վկայական ստանալու, փոխանակելու գործողություններ կատարելու համար Ճանապարհային ոստիկանության հաշվառման-քննական ստորաբաժանումներ կամ վարչական շենքեր այցելել միայնակ՝ առանց ուղեկցող կողմնակի անձանց:
2․ Ճանապարհային ոստիկանության վարչական մասի, նաև այլ ստորաբաժանումների վարչական շենքեր այցելել միայն խիստ անհրաժեշտության դեպքում, հնարավոր բոլոր գործողություններն իրականացնել roadpolice.am էլեկտրոնային հարթակի միջոցով, իսկ վարչական ակտերի բողոքարկման, տեղեկատվություն ստանալու, տուգանքի վճարումը տարաժամկետելու, կամ տրանսպորտային միջոցի վերասարքավորման դիմումները ներկայացնել [email protected] էլեկտրոնային փոստի կամ https://e-request.am/hy/ էլեկտրոնային հարցումների միասնական հարթակի միջոցով։
Պատճառվելիք անհարմարությունների համար հայցում ենք ձեր ներողամտությունը և հայտնում շնորհակալություն՝ ըմբռնումով մոտենալու համար»։
