Հունաստանում 14-օրյա կարանտին են սահմանել բոլոր ժամանողների համար
Հունաստան բոլոր ժամանողները պետք է պարտադիր կարգով 14-օրյա կարանտին անցնեն: Այդ մասին մարտի 16-ին հայտնել է կառավարության պաշտոնական ներկայացուցչի տեղակալ Արիստոտելիա Պելոնին բրիֆինգում, որը նվիրված էր կորոնավիրուսի դեմ պայքարի միջոցառումներին: Ճեպազրույցին լրագրողներ ներկա չեն եղել, այն հեռարձակվել է You-Tube-ով:
Պելոնին ասել է, որ երկիր վերադարձած բոլոր հույները պարտադիր կարգով տներում ինքնամեկուսացման պայմաններում են գտնվում 14 օրվա ընթացքում: Ճշտող հարցին՝ այդ միջոցը վերաբերում է արդյոք Հունաստան ժամանող երրորդ երկրների քաղաքացիներին, նա ասել է. «Դա վերաբերում է բոլոր նրանց, ովքեր ժամանում են»: Հունաստանի առողջապահության նախարարության վերջին տվյալների համաձայն, որոնք հրապարակվել են մարտի 15-ին, երկրում կորոնավիրուսով վարակվել է 331 մարդ:
Հիվանդանոցներում է գտնվում 51 մարդ, որոնցից ութի վիճակը ծանր է: Տասը մարդ ապաքինվել է եւ դուրս գրվել, չորսը մահացել են, հաղորդել է ՏԱՍՍ-ը:
