Իրանում կորոնավիրուսով վարակվածների թիվը մոտեցել է 15 հազարի
Իրանում առնվազն 129 մարդ է մեկ օրում մահացել կորոնավիրուսից, զոհերի թիվը հասել է 853-ի, վարակված է 14 հազար 991 մարդ: Այդ մասին մարտի 16-ին հայտնել է Իրանի առողջապահության նախարարի խորհրդական Ալի Ռըզա Վահաբզադեն:
«Երեկվանից մինչեւ այսօր հայտնաբերվել է կորոնավիրուսով վարակման 1053 դեպք, վարակվածների թիվն ընդհանուր առմամբ հասել է 14 հազար 991-ի: Անցած 24 ժամվա ընթացքում մահացել է 129 մարդ, զոհերի թիվը հասել է 853-ի»,-գրել է նա Twitter-ում, հայտնելով 4996 մարդու ապաքինման մասին: Նույն տեղեկատվությունը IRINN հեռուստաալիքի եթերում հրապարակել է Իրանի առողջապահության նախարարության պաշտոնական ներկայացուցիչ Քիանուշ Ջահանփուրը, հաղորդել է ՌԻԱ Նովոստին:
