Մարտի 16-ին G7-ի ղեկավարները կքննարկեն կորոնավիրուսի տարածման կանխարգելման հարցը
Ֆրանսիայի նախագահ Էմանուել Մակրոն հեռախոսազրույց է ունեցել ԱՄՆ-ի նախագահ Դոնալդ Թրամփի հետ՝ կորոնավիրուսի տարածումը կանխարգելման հարցով: Ինչպես տեղեկացնում է «Արմենպրես»-ը, այս մասին հայտնել է Ֆրանսիայի նախագահը ֆեյսբուքի պաշտոնական իր էջում:
«Հեռախոսազրույցի ընթացքում որոշում ենք կայացրել մարտի 16-ին արտակարգ հանդիպում կազմակերպել Դոնալդ Թրամփի և G7-ի բոլոր ղեկավարների հետ՝ տեսակոնֆերանսի միջոցով: Մենք կհամակարգենք պատվաստանյութերի և բուժումների վերաբերյալ հետազոտությունները, ինչպես նաև կաշխատենք տնտեսական և ֆինանսական միջոցառումների ուղղությամբ»,- գրել է Մակրոնը:
