Եթովպիան հաստատել է կորոնավիրուսով վարակման առաջին դեպքը
Կորոնավիրուսով վարակման առաջին դեպքն է գրանցվել Եթովպիայում: Այդ մասին մարտի 13-ին հայտնել է Reuters գործակալությունը՝ վկայակոչելով առողջապահության պետական ինստիտուտի ներկայացուցչին։
Ինչպես հայտարարել են Ադիս-Աբեբայի քաղաքագլուխը, վարակվածը Ճապոնիայի քաղաքացի է: Հիվանդացածի վիճակի վերաբերյալ տեղեկատվություն չի ներկայացվել: Քաղաքագլուխը նաեւ կոչ է արել բնակչությանը՝ խուսափել անձնական շփումներից եւ ձեռքսեղմումներից, հաղորդել է ՏԱՍՍ-ը:
