Գտնվել է Նյուտոնի աշխատություններից մեկի վաղ տպագրությունը

Ֆրանսիային պատկանող Կորսիկա կղզու գրադարաններից մեկում հայտնաբերվել է աշխարհահռչակ անգլիացի ֆիզիկոս, մաթեմատիկոս, մեխանիկ և աստղագետ Իսաակ Նյուտոնի աշխատություններից մեկի վաղ տպագրությունը։ Դա «Բնական փիլիսոփայության մաթեմատիկական սկզբունքները» հիմնարար աշխատանքի հրատարակության օրինակ է։

Մասնագետներից մեկն այն գտել է՝ ուսումնասիրելով գրադարանի նախկին աշխատակցի՝ Նապոլեոն Բոնապարտի եղբայր Լյուսիեն Բոնապարտի աշխատություններից մեկը։ Դրա միջոցով մասնագետները պարզել են գրքի գտնվելու վայրը՝ գրադարակներից մեկի վերին հարկը։

Պարզվել է, որ Նյուտոնի աշխատությունը բավական լավ վիճակում է պահպանվել․ վնասված է եղել միայն դրա կազմի մի մասը։

Դա դասական ֆիզիկայի հիմնադիրներից մեկը հանդիսացող Նյուտոնի լատիներեն աշխատության ամենավաղ տպագրություններից մեկն է և թվագրվում է 1687 թվականին։ Մոտավորապես այդ ժամանակ է Նյուտոնը գրառել աշխատությունը։