Ծովակ համայնքի բնակիչները փակել են գյուղի կողքով անցնող ճանապարհը
Գեղարքունիքի մարզի Ծովակ համայնքի բնակիչները փակել են գյուղի կողքով անցնող ճանապարհը` պահանջելով հանդիպում Տարածքային կառավարման և ենթակառուցվածքների նախարար Սուրեն Պապիկյանի հետ: Բնակիչները բողոքում են իրենց գյուղի ճանապարհների անբարեկարգ վիճակից:
Գյուղացիներից մեկը նշեց, որ պատկան մարմինները խոստացել էին ճանապարհները պատճաշ մակարդակի բերել, սակայն մինչ օրս խոստումը չեն կատարել:
Նրանց հետ հանդիպեց Գեղարքունիքի մարզպետի տեղակալ Նարեկ Գրիգորյանը, ով լսեց գյուղացիների բողոքը ու խոստացավ կարճ ժամկետում լուծել խնդիրը:
