Էրդողանը մտադիր Է Ռուսաստան այցելել մարտի 5-ին
Թուրքիայի նախագահ Թայիփ Էրդողանը պլանավորում է մարտի 5-ին այց կատարել Ռուսաստան: Այդ մասին հայտնել է Թուրքիայի ղեկավարի վարչակազմը, տեղեկացնում է ՌԻԱ Նովոստիին:
«Մեր նախագահը պլանավորում է մեկօրյա այցով Ռուսաստան ժամանել մարտի 5-ին»,-ասված է հաղորդագրության մեջ:
ՌԴ նախագահի մամուլի քարտուղար Դմիտրի Պեսկովը մարտի 1-ին հայտնել է, որ Ռուսաստանի եւ Թուրքիայի նախագահներ Վլադիմիր Պուտինը եւ Թայիփ Էրդողանը Մոսկվայում կայանալիք հանդիպմանը կքննարկեն՝ ինչպես են կատարվում Սոչիում Սիրիայի շուրջ ձեռք բերված պայմանավորվածությունները:
