Ինդոնեզիայում հայտնաբերել են կորոնավիրուսով վարակման առաջին երկու դեպքը
Ինդոնեզիայում հայտնաբերել են COVID-19 նոր կորոնավիրուսով վարակման առաջին երկու դեպքը: Այդ մասին հայտնել է Jakarta Post թերթը՝ վկայակոչելով երկրի նախագահ Ջոկո Վիդոդոյին։
Ինդոնեզիայի ղեկավարի խոսքով՝ կորոնավիրուս է հայտնաբերվել 64-ամյա մի կնոջ եւ նրա 31-ամյա դստեր մոտ: Նրանք շփվել են Ճապոնիայի մի քաղաքացու հետ, որի մոտ կորոնավիրուս էր հայտնաբերվել փետրվարի 27-ին Մալայզիայում այն բանից հետո, երբ նա ամսվա սկզբին այցելել էր Ինդոնեզիա: Ինդոնեզիայի առողջապահության նախարարության ղեկավար Ագուս Փութրանթոյի խոսքով՝ երկու հիվանդացած կանայք՝ Ինդոնեզիայի Արեւմտյան Ճավայի նահանգի Դեփոք քաղաքի բնակչուհիները, ներկայում բուժում են անցնում Ջակարտայի ինֆեկցիոն հիվանդանոցում, հաղորդել է ՌԻԱ Նովոստին:
