Սաուդյան Արաբիան երրորդ երկրի միջոցով ուղերձ է հղել Իրանի նախագահին. Թեհրան
Իրանի նախագահ Հասան Ռուհանին ուղերձ է ստացել Սաուդյան Արաբիայից, որը հանձնվել է երրորդ երկրի միջոցով: Այդ մասին սեպտեմբերի 30-ին հայտարարել է Իրանի կառավարության պաշտոնական ներկայացուցիչ Ալի Ռաբիին։
«Տեղեկատվությունն այն մասին, որ Ռուհանին Սաուդյան Արաբիայից ուղերձ է ստացել մեկ այլ երկրի ներկայացուցչի միջոցով, հավաստի է»,-Ռաբիի խոսքը մեջբերում է Իրանի արտգործնախարարության մամուլի ծառայությունը: Նրա խոսքով՝ «եթե էր Ռիադը պատրաստ է փոփոխություններ կատարել իր քաղաքականության մեջ, ապա Իրանը ողջունում է դա»:
Նա չի ճշտել, թե կոնկրետ ինչ է բովանդակել ուղերձը եւ որ երկրի ներկայացուցիչներն են մասնակցել դրա փոխանցմանը: Սեպտեմբերի 26-ին Նյու Յորքում ՄԱԿ-ի Գլխավոր ասամբլեայում Իրանի նախագահը հայտարարել է, որ պատերազմը Եմենում հանգուցային խնդիր է Իրանի Իսլամական Հանրապետության եւ Սաուդյան Արաբիայի հարաբերություններում:
Նրա խոսքով՝ «եթե զինադադար հաստատվի այդ երկրում, էր Ռիադի հետ Թեհրանի տարաձայնությունները կլուծվեն», հաղորդել է ՏԱՍՍ-ը:
