Ուկրաինայի Անվտանգության խորհրդի քարտուղար Դանիլյուկը պաշտոնաթողություն է խնդրել
Ուկրաինայի Ազգային անվտանգության եւ պաշտպանության խորհրդի (ԱԱՊԽ) քարտուղար Ալեքսանդր Դանիլյուկը պատոնաթողության դիմում է տվել: Սեպտեմբերի 27-ին այդ մասին Telegram–ալիքում հայտնել է Ուկրաինայի նախագահ Վլադիմիր Զելենսկու գրասենյակը։
«Համապատասխան դիմումն Ալեքսանդր Դանիլյուկը գրել է Ուկրաինայի նախագահի անունով՝ ՄԱԿ-ի Գլխավոր ասամբլեայի 74-րդ նստաշրջանին մասնակցելու նպատակով Վլադիմիր Զելենսկու՝ ԱՄՆ աշխատանքային այցի սկսվելուց առաջ»,- ասված է հաղորդագրության մեջ:
Գրասենյակում նշել են, որ Զելենսկին այդ դիմումը կքննարկի Կիեւ վերադառնալուց հետո, հաղորդել է ՏԱՍՍ-ը:
