ԱՄՆ-ի Կոնգրեսը հավանություն է տվել Լեհաստանին 32 F-35 ինքնաթիռ վաճառելուն
ԱՄՆ-ի Կոնգրեսը համաձայնություն է հայտնել Լեհաստանին 32 նորագույն F-35 կործանիչ վաճառելուն: Այդ մասին Լեհաստանի ազգային պաշտպանության նախարար Մարիուշ Բլաշչակը հայտնել է իր Twitter-ում։
Ավելի վաղ Պենտագոնը հայտնել էր, որ ԱՄՆ-ի Պետդեպարտամենտը հավանություն է տվել Լեհաստանին 6,5 մլրդ դոլար գումարի 32 նորագույն F-35 ռազմական ինքնաթիռների վաճառքին: «ԱՄՆ-ի Կոնգրեսը համաձայնություն է հայտնել Լեհաստանին 32 ժամանակակից F-35 ինքնաթիռ վաճառելուն»,- գրել է Բլաշչակը:
«Դա վերջին քայլերից մեկն է պարտավորագրի կնքումից առաջ, բայց մեր աշխատանքի վերջը չէ: Մենք հաստատակամորեն բանակցություններ կվարենք առավելագույնս ձեռնտու գնի հասնելու համար»,-հավելել է նա, հաղորդել է ՌԻԱ Նովոստին:
