Շենգավիթի ոստիկանները կասկածանքով բերման են ենթարկել երկու տղամարդու
Սեպտեմբերի 25-ին, ժամը 16.15-ին, ոստիկանության Շենգավիթի բաժնի ծառայողները, թմրամիջոց պահելու և օգտագործելու կասկածանքով, Հ.Հովսեփյան փողոցից բերման են ենթարկել Երևանի 34-ամյա և Արագած գյուղի 43-ամյա երկու բնակչի: Վերջինիս մոտ հայտնաբերվել է 1.25 գ դեղնականաչավուն զանգված:
43-ամյա տղամարդը հայտնել է, որ հայտնաբերվածը մարիխուանա է և իր օգտագործման համար է:
Նշանակվել է փորձաքննություն:
Նախապատրաստվում են նյութեր:
